Kontext Index| der turnei wart sô bitter und diu malîe bî der stunt, daz maneger dâ ze tôde wunt |
|
| 15485 | wart durch der stahelringe niet. ahî waz man in dâ verschriet von rîchen wâpenkleiden, diu kristen unde heiden fuorten an ir lîbe! |
| 15490 | durch willen schoener wîbe kouften si der êren solt. gesteine purper unde golt wart verrêret und versniten. dâ wart gedrungen und geriten, |
| 15495 | geslagen und gestôzen. diu scharpfen und diu blôzen swert dâ lûte erklungen. diu vogelîn diu sungen dâ bî suoz unde schône. |
| 15500 | von dem zwivalten dône die lüfte wurden alle und von dem lûten schalle ob in erfüllet harte. sich flaht part unde parte, |
| 15505 | rott unde rotte war sich dâ. diu wâpenkleit rôt unde blâ, grüene, gel, brûn unde wîz begunden sunder itewîz dâ lougen von den gesten. |
| 15510 | dar under sach man glesten die rôsen und der bluomen schîn. ouch hete sich gemischet drîn der sunnen blic rein unde glanz. |
| Kontext |
Index |