Index| Als ich vor han geseit, der untugende schar ist breit. ich han iu geteilet gar die untugende in vier schar. |
|
| 8095 | swer mit den vier scharn striten sol, der bedarf gotes helfe wol. nu tuo war edel ritter, tuo! si ritent allenthalben zuo. Hohvart ritet, daz ist war, |
| 8100 | ze vorderst an der ersten schar. Unchiusch fueret ein brinnendez spêr. Erge ist gewafent mit unêr. Tragheit ist mit der boesheit von dem hobet untz uf den fuoz gechleit. |
| 8105 | den vieren volget nach ir hêr. nu wer dich edel ritter, wer! ir schal sol dich niht schrechen. dine tugende soltuo wechen, daz si dich wafent gegen in. |
| 8110 | den vanen sol dir geben der Sin. daz duo diner tugende her leiten chunnes wol ze wer. daz swert nim duo von dem Reht, daz duo daz chruombe machest sleht. |
| 8115 | din schilt git dir Gedulticheit, din halsperch die Sicherheit. swelich man ouch bescheiden ist, der ist sicher alle vrist. Geloube setztet uf daz houbet |
| 8120 | den helm dem, der rehte gloubet. daz werch ist ane glouben enwiht und ist der lip an daz houbt ze niht. daz ross Gedingen dir geben soll, daz duo ritest an zwivel wol |
| 8125 | under der untugende schar: si muozzen dir entwichen gar. die sporen gebent dir Fruomscheit. duo solt ouch niht durh zagheit din ross wider geziehen. |
| 8130 | noch den strit so gevliehen. Chiusche sol dir den zoum geben, da mit soltuo richten din leben. man sol sich enthalten wol des der man niht tuon sol. |
| 8135 | den satel gebe dir Staetecheit, wan dich sol weder lieb noch leit neigen, weder hin noch her. du solt mit der Diumuote sper an dem ersten poinder sin: |
| 8140 | da sol din fruomcheit werden schin. du solt die Ubermuot niderstechen. so maht du durh prechen wol der untugende schar. du solt si niderriten gar |
| 8145 | und solt mit der Fruomcheit sporn uber graben und uber dorn des Gedingen ross heizen springen. du solt ez des betwingen, daz im berge unde steine |
| 8150 | unde mos si algemeine. |