Kontext Index| 2315 | die kirchen wârn dâ tiure; des belac er ûf dem velde dâ. der rîter hafte sîn ors sâ bî dem zoume an einen dorn. daz waer bî disen zîten vlorn, |
| 2320 | als ich michs versinnen kan: ir ist nu wênic, sin vuortenz dan, man züge im nû den harnasch abe, dar zuo alle sîne habe daz was ab dô wider dem sît: |
| 2325 | swer es tet, der vlôs da mit alsô gar sîn êre daz er nimmer mêre ze rîterschefte mohte komen; im wurde sîn êre gar benomen. |
| 2330 | swer hiute daz selbe taete, sô belibe vil lîht staete allez rîterlîche reht. swer vil kûme waere kneht der wil nu rîter werden; |
| 2335 | des müezen die werden der boesen engelten. jâ geniuzet man vil selten der boesen gesellen. got müeze si vellen |
| 2340 | die dem immer swert gegeben der daz rîterlîche leben niht behalten künne, und der von sînem künne niht dar zuo sî geborn! |
| 2345 | daz alte reht hab wir verlorn. daz was ê guot, sô man seit; mit valsche und mit bôsheit ist ez nû leider hin geleit. |
| Kontext |
Index |